Agentliyin iki sədr müavini vəzifələrindən azad edildi
Cəmaləddin Quliyev və Rüfət Cavadov başqa işə keçmələri səbəbi ilə azad edilib.
Əmək və Əhalinin Sosial Müdafiəsi Nazirliyi (ƏƏSMN) tabeliyində fəaliyyət göstərən Dövlət Məşğulluq Agentliyinin İdarə Heyətinin iki sədr müavini vəzifələrindən azad edilib.
Ölkə.az xəbər verir ki, Modern.az-ın əldə etdiyi məlumata görə, sədr müavinləri Cəmaləddin Quliyev və Rüfət Cavadov vəzifəsindən azad olunub.
Agentlikdən məlumat saytımıza təsdiq ediblər. Bildirilib ki, hər iki şəxs başqa işə keçmələri səbəbi ilə öz ərizələri əsasında azad ediliblər.
Qeyd edək ki, Cəmaləddin Quliyev sözügedən vəzifəyə 6 iyul 2020-ci ildə, Rüfət Cavadov isə 17 avqust 2021-ci ildə təyin edilib.
Xatırladaq ki, Dövlət Məşğulluq Agentliyinin sədri Sadiq Əliyev bu ilin may ayında vəzifəyə təyin edilib.
