Eldar Mahmudovun XİN-dəki qohumları kimlərdir?

Ölkə.az-a məlumatlı mənbədən daxil olan informasiyaya görə, xüsusi təhlükəli dövləti cinayətlər törətməkdə günahlandırılan keçmiş milli təhlükəsizlik naziri Eldar Mahmudovun yaxın qohumları bəzi dövlət orqanlarında hələ də yüksək vəzifələr tutmaqda davam edirlər.

Redaksiyamıza daxil olan məlumata görə, Eldar Mahmudovun bacısı Elmira Mahmudova XİN-də konsulluq idarəsinin müşaviri vəzifəsində çalışır.

Eldar Mahmudovun XİN-də işləyən digər qohumu isə BTRİB-in həbsdə olan keçmiş rəisi Beytulla Hüseynovun qaynı, hal-hazırda Azərbaycanın Kars şəhərindəki konsulu Ayxan Süleymanovdur.

Xatırladırıq ki, XİN ətrafında son zamanlar qalmaqallar bitmək bilmir. Diplomatik korpusun bir neçə əməkdaşının vəzifə səlahiyyətlərini aşaraq dövlət əleyhinə fikirlər səsləndirməsi xarici siyasət idarəsini ictimaiyyətin diqqət mərkəzinə gətirmişdi. Bura keçmiş səfir Arif Məmmədov və digərləri daxildir.

İndi isə XİN sistemində MTN-nin keçmiş şefinin bu qədər adamının olması yenidən diqqəti bu nazirliyin üzərinə çəkir.

Ölkə.az