59 direktora xəbərdarlıq, töhmət və şiddətli töhmət verilib
“Məktəbəqədər və Ümumi Təhsil üzrə Dövlət Agentliyi tərəfindən 4 istiqamət üzrə yoxlama meyarları əsasında məktəbdənkənar təhsil müəssisələrində monitorinqlər keçirilib”.
Ölkə.az AZƏRTAC-a istinadən xəbər verir ki, bunu MÜTDA-nın direktoru Eşqi Bağırov oktyabrın 29-da keçirilən brifinqdə deyib.
O bildirib ki, proses 145 müəssisənin 107-ni əhatə edib:
“Müəssisələrdə təlim-tərbiyə prosesinin təşkili vəziyyəti, tədris-pedaqoji sənədlər, kadrlarla işin təşkili, maddi texniki baza və maliyyə-təsərrüfat sənədləri yoxlanılıb. Nəticədə 125 qrup bağlanılıb, 5 müəssisə rəhbəri işdən çıxarılıb, 59 direktora xəbərdarlıq, töhmət, şiddətli töhmət verilib”.
