İltimas Məmmədov: " Azərbaycandan internet trafikinin nəqli ilə bağlı heç bir problem yaranmayıb"

Azərbaycanda internetlə bağlı yaranan problem digər ölkələrə tranzit trafikinə təsir etməyib.

Ölkə.Az xəbər verir ki, bunu Trend-ə rabitə və yüksək texnologiyalar nazirinin vəzifəsini icra edən İltimas Məmmədov deyib.

İ.Məmmədov bildirib ki, Azərbaycan ərazisindən internet trafikinin nəqli ilə bağlı heç bir problem yaranmayıb: “İnternetlə bağlı problem Azərbaycanın birinci provayderinin texniki mərkəzində avadanlığın yanması səbəbindən yaranıb. Lakin Gürcüstan, İran və Yaxın Şərqə gedən internet kanalları tam gücü ilə işləyirdilər və ona görə də, Azərbaycandan keçən tranzit trafiki ilə bağlı problem yaranmayıb”.

Ölkə.Az