D18 Hərəkatı bəyanat verdi

D18 Hərəkatı Ədliyyə Nazirliyinin AXCP haqda verdiyi ilkin qərara etiraz edib. Hərəkat bəyanat yayıb

“Hakimiyyət demokratiyanın, söz azadlığının, siyasi institutların səsini boğmaq üçün nə lazımdırsa edir. Şərqin ilk demokratik cümhuriyyətini quran Azərbaycan 100 ildən sonra görün hansı hala gətirildi. Biz siyasi məhbuslara görə liderliyi ələ keçirmişik. Söz azadlığını boğan bir məmləkətik, fərqli fikrə və alternativ düşüncəyə qarşı ən kəskin formada repressiv siyasət yürüdən bir ölkəyik.

Artıq daxili və xarici auditoriyada nüfuzun itirən YAP iqtidarı indi də AXCP-ni susdurmaq üçün son həmləsini edir. AXCP adına qurduğu tamaşada baş rolun və əlavə rəng qatmaq üçün canfəşanlıq edən aktyorların kim olduğunu ictimaiyyət çox yaxşı bilir. İllərdir AXCP və digər siyasi qurumlar üçün bu cür və buna bənzər addımlar atdınız, nə dəyişdi?! Dəyişən sizin münasibətdir, cəmiyyətin münasibəti stabil olaraq qaldı.

D18 Hərəkatı olaraq hakimiyyəti alternativlərinə qarşı bu cür iyrənc siyasət aparmağa son qoymağa çağırırıq.

Biz D18 Hərəkatı olaraq Əli Kərimlinin sədri olduğu partiyanı AXCP kimi tanıyırıq və bundan sonra da tanıyacağıq”.