Novxanıdakı partlayış Vüqar Həşimovun ailəsinin evində olub, ata-anası xəsarət alıb

Xəbər verdiyimiz kimi, Abşeron rayonu, Novxanı kəndində fərdi yaşayış evində partlayış baş verib.

Ölkə.az xəbər verir ki, evdə 2 nəfər olub.

Hadisə zamanı yaralanan şəxslər mərhum şahmat ustası Vüqar Həşimovun valideynləridir.

"Reanimasiya şöbəsinə yerləşdirilən 1949-cu il təvəllüdlü şəxsə hər iki aşağı ətrafın və sifətin I, II, III dərəcəli yanığı, 1959-cu il təvəllüdlü şəxsə isə sol bud sümüyünün sınığı, sol əlin yarası diaqnozları təyin edilib. Müalicələri davam etdirilir, vəziyyətləri ağırdır", - TƏBİB-dən bildirilib.