Azərbaycanda UİD-in nümayəndəliyi fəaliyyətə başladı

Beynəlxalq Demokratlar Birliyinin (UİD) Azərbaycan üzrə nümayəndəliyi fəaliyyətə başlayıb.

Ölkə.Az xəbər verir ki, UİD 2004-cü ildə  Almaniyanın Köln şəhərində qurulub. Məqsəd Türkiyədən kənarda yaşayan Türk toplumu və türkdilli xalqların qarşılaşdığı sosial, siyasi və mədəni problemlərinin həlli istiqamətində addımlar atmaqdır. 
UİD-in Azərbaycan nümayəndəliyinin rəhbəri Könül İbrahimova giriş nitqi ilə çıxış edərək bildirib ki, təşkilat dünyada yaşayan türklərin və türkdilli  insanların problemlərini diqqətə saxlayıb. 
UİD-in Azərbaycan üzrə yeni rəhbəri Çengiz Aygör isə bundan sonrakı fəaliyyəti haqqında məlumat verərək deyib ki,  məqsədimiz  türkdilli xalqların birliyinə və üzləşdikləri problemlərini həll edilməsi istiqamətində ciddi fəaliyyət göstərəcəyik.

UİD rəhbəri Kenan Hasan Aslan çıxışında bildirib ki, məqsəd bu gün dünyadakı, xüsusən də Qərbdə ayrıseçkiliyə qarşı mübarizə aparmaq, multikulturalizmi , demokratik dəyərləri təşviq etmək, soydaşlarımızın hüquqlarını müdafiə etməyə  çalışacağıq.

Mürtəza
Ölkə.Az