Bakıda paxlava festivalı keçiriləcək
Türkiyənin təşkilatçılığı ilə keçirilən “13-cü Ənənəvi Qızıl Oxlova Paxlava Ustaları Müsabiqəsi və Şirniyyat Festivalı” bu il Azərbaycanın paytaxtı Bakıda keçiriləcək.
Ölkə.Az xəbər verir ki, festivalda 10 000 dən çox paxlava hədiyyə olunacaq.
Festival çərçivəsində Türkiyə və Azərbaycan paxlava istehsalçıları arasında əməkdaşlığın inkişaf etdirilməsi, iki ölkənin paxlava və şirniyyatların xarici ölkələrdə birgə tanıdılması kimi məsələlər hədəflənir.
Festival 15 dekabr saat 12:00 Bakı İdman sarayında keçiriləcəkdir.
