Azərbaycanlı xanım Tatarıstanda vəzifə aldı

Tatarıstan Respublikasının Nazirlər Kabinetinin Baş arxiv idarəsinə yeni rəis təyin edilib. Bu, əslən Azərbaycandan olan İradə Əyubovadır.

2005-ci ildən idarəyə rəhbərlik edən Danil İbrahimov təqaüdə çıxıb.

İradə Əyubova 1971-ci ildə iyulun 13-də Bakıda dünyaya gəlib. Azərbaycan Dövlət Neft Akademiyasını “Riyaziyyatçı-mühəndis” ixtisası üzrə (1993) bitirib, daha sonra isə Tatarıstanın Biznesin Təşviqi İnstitutunun “Hüquq” fakültəsini (2002) bitirib.

İradə Əyubova Tatarıstanda müxtəlif vəzifələrdə çalışıb. 2011-ci ilin iyun ayından Tatarıstan respublikasının Mədəniyyət nazirinin birinci müavini olub.(oxu.az)

Ölkə.Az