Rusiyanın geosiyasi arenada güclənməsi Azərbaycana nə vəd edir?

Rusiyanın Hərbi-Dəniz Qüvvələrinin Xəzər Donanmasının gəmilərindən Suriya ərazisindəki “İslam Dövləti” (İŞİD) terror qruplaşmasının mövqelərinə endirdiyi zərbələr bəzi şərhçilər, xüsusən də Qərb mediası tərəfindən Azərbaycana qarşı təhdid kimi xarakterizə olunur.

Bu məsələ ilə bağlı Ölkə.az hərbi ekspert, "Azeri defence" jurnalının redaktoru Ramil Məmmədlinin fikirlərini öyrənib.

"Belə bir mövqedən çıxış edərək Azərbaycanda da fikir yürüdən siyasətçilər və politoloqlar var. Onlar iddia edirlər ki, Rusiyanın İranın Xəzərdəki məhəlli sularına daxil olaraq, buradan İŞİD mövqelərinə raket atəşi açması həm də Azərbaycana “barmaq silkələməsi” deməkdir.

Əslində isə bu yanaşma düzgün deyil. Çünki bu gün həm Kremilin dəhlizlərində, həm Rusiyanın siyasi elitasında, həm də bu ölkənin hərbi-siyasi rəhbərliyində Azərbaycan düşmən, rəqib ölkə kimi dəyərləndirimir. Təkcə ona görə ki, Azərbaycan son 10 ildə hərbi imkanlarını Rusiyadan aldığı hərbi texnikaların sayəsində əsaslı şəkildə gücləndirib. Həmin rəqəm qeyri-rəsmi məlumatlara görə, 50 faizdən az deyil. Paralel olaraq ki, azərbaycanlı hərbçilər Rusiyanın hərbi müəssisələrinin sirlərinə da yiyələniblər və yiyələnirlər. Bu isə onu deməyə əsas verir ki, hər iki ölkə çox da uzaq olmayan tarixə söykənən problemlərini artıq kənara atıb və mühüm sahədə - hərbi-texnoloji sektorda ciddi əməkdaşlığın bünövrəsini qoyublar. Yəni bu mənada İranın sahil sularından Azərbaycanın dövlətçiliyi üçün də təhlükə ola bilən bir qüvvəyə qarşı aparılan əməliyyat tədbirləri yalnız bizim xeyrimizə ola bilər".

Ölkə.az