Rusiya vurulan təyyarədə ölənlərə görə nə qədər təzminat ödəməlidir? 

Beynəlxaq Mülki Aviasiya qaydalarına əsasən mülki avia reyslərdə qəza nəticəsində ölənlərə ödənilməsi üçün hər hansı ölkənin valyutasından deyil, xüsusi beynəlxalq valyutadan istifadə edilir.

Ölkə.Az xəbər verir ki, bunu vəkil Babək Həmidov bildirib. Onun sözlərinə görə, "Special Drawing right" (xüsusi borcalma hüququ) - SDR kimi adlanan bu valyuta həm Azərbaycan, həm də Rusiya tərəfindən qəbul edilib:

"Beynəlxalq Mülki Aviasiya qaydalarına görə, qəza nəticəsində ölən hər sərnişinə görə 250 000 (iki yüz əlli min) SDR kompensasiya ödənilməlidir. Azərbaycan Mərkəzi bankının hadisə gününə olan məzənnəsinə görə 1SDR - 2.2170 AZN olmaqla, kompensasiya məbləği 554 250 (beş yüz əlli dörd min iki yüz əlli) Azərbaycan manatıdır. 

Hadisə baş verdiyi ərazi (Rusiya Federasiyası) üzrə kompensasiya isə 32 623 433 Rusiya rublı (250 000 SDR), yəni 326 662 ABŞ dolları edir. 

Bu kompensasiya məbləği qəzanın baş verməsinə səbəb olan ölkə, yəni Rusiya tərəfindən vətəndaşlığından asılı olmayaraq qəzada ölən şəxslərin ailə üzvlərinə ödənilməlidir".

Billurə