“Ukrayna dairəsi”ndə qəzalar: yeniliyə narazılıq edildi - Video

Məlum olduğu kimi, Bakının Xətai rayonunda yerləşən “Ukrayna dairəsi”ndə təmir işlərindən sonra nəqliyyatın hərəkətində bir qədər dəyişikliklər edilib.

Ölkə.Az xəbər verir ki, paytaxt sakinlərindən biri sözügedən ərazidə baş verən qəzanın görüntülərini yayıb və narazılığını ifadə edib.

Belə ki, həmin şəxs dairədəki yeniliyin hadisəyə səbəb olduğunu bildirib və digər tərəfdə də qəzanın qeydə alındığını söyləyib.

“AYNA-nın yeniliklərindən sonra vəziyyət belədir. Heç vaxt tıxac olmayan yerdə tıxac olur. Guya qəzaya görə belə etmişdilər. Hazırda iki yerdə qəza olub”, - deyə o bildirib.

Xatırladaq ki, Azərbaycan Yerüstü Nəqliyyat Agentliyinin (AYNA) mütəxəssislərinin təhlillərinə əsasən “Ukrayna dairəsi”ndə dəyişiklik edilib və “turbo tipli dairə” inşa olunub.