Azad edilmiş ərazilərdə bu il bu qədər mina aşkarlanıb

İşğaldan azad edilmiş ərazilərdə Azərbaycan Respublikasının Minatəmizləmə Agentliyi (ANAMA) tərəfindən icra olunan əməliyyatlar barədə illik məlumat (2024-cü il) açıqlanıb.

ANAMA-dan Ölkə.az-a verilən məlumata görə, Tərtər, Ağdam, Ağdərə, Laçın, Füzuli, Şuşa, Xocalı, Xankəndi, Kəlbəcər, Xocavənd, Cəbrayıl, Qubadlı və Zəngilanda 4 286 piyada əleyhinə mina, 2 372 tank əleyhinə mina, 59 163 Partlamamış Hərbi Sursat (PHS) aşkarlanıb.

Bildirilib ki, 62 023,9 hektar ərazi mina və PHS-lərdən təmizlənib.