Rusiyada heroin satan azərbaycanlı qadın həbs edildi

O, qrupun tərkibində fəaliyyət göstərirdi.

Rostov narkopolislərinin keçirdiyi əməliyyat-axtarış tədbirləri zamanı 48 yaşlı azərbaycanlı qadın saxlanılıb. O, Don vilayətində qeydiyyatsız yaşayırdı.

Bu barədə “Rostovskie vesti” Rostov vilayəti Federal Təhlükəsizlik Xidməti İdarəsinin məlumat xidmətinə istinadən məlumat yayıb.

Cinayətkar narkotiki Jeleznodorjni rayonunda Lesoparkova küçəsində satmağı planlaşdırırdı. Axtarış zamanı saxlanılan şəxsin üzərində əməliyyatçılar ağ rəngli toz şəkilli maddə aşkar ediblər.

Ekspertizanın rəyindən sonra müsadirə edilən maddənin 4 qram həcmində heroin olduğu məlum olub. Daha sonra yaşayış yerinin axtarışı olub, mənzildə narkopolislər 170 qramdan ağır olan heroin bağlaması aşkar ediblər.

Yolda şübhəli bilinən şəxs Rostov vilayətinə ağır narkotiklərin çatdırılması və satılması ilə məşğul olan qrupun tərkibində fəaliyyət göstərdiyini etiraf edib.

Qadın telefon ilə göstərişlər alıb və Rostov-na-Donu şəhərinin ərazisində satışlar həyata keçirib. Onun Rusiyaya Gürcüstandan gəldiyi müəyyənləşdirilib. Özünün uzun müddət ərzində opium qrupuna daxil olan narkotiklərdən istifadə etdiyi məlum olub. 2005-ci ildən 2010-cu ilə qədər narkocinayətlər törətdiyi üçün müxtəlif cəza müəssisələrində həbsdə olub.

İndi müttəhimə qarşı iri həcmdə narkotik maddələrin saxlanılması və satılması üzrə cinayət işi açılıb. Bu maddə üzrə 15 ildən başlayaraq azadlıqdan məhrumetmə cəzası nəzərdə tutulur. (oxu.az)

Ölkə.Az