Əməkdar artist çətin durumda: \"Dolanışıq çox çətindir, yemək-içməyimiz də...\"

Tanınmış aktyor, əməkdar artist Arzu Hüseynov maddi durumundan gileylənib.

Aktyor Ölkə.Az-a açıqlamasında hazırda heç yerdə işləmədiyini və çətinliklə dolandığını söyləyib:

"Hazırda heç yerdə işləmirəm, dolanışıq çox çətindir. Qızlarımın ikisi tələbədir, ildə iki min manat ödəməliyəm. Yemək-içməyimiz də belə də... Çox güclü yeməklər yeyə bilmirik. Ən çox qızlarımın təhsil haqqına görə narahatam. Səkkiz ildir teatrdan çıxmışam. İndi də işə götürmürlər. Axırıncı dəfə "Azdrama"ya müraciət elədim. Ordan da müsbət cavab olmadı".

Xatırladaq ki, daha çox Karlson, tənbəl Əhməd kimi obrazlarla yadda qalan Arzu Hüseynov mərhum əməkdar artist Sadıq Hüseynovun oğludur. A.Hüseynov 1995-2007-ci illərdə fasilələrlə Bakı Bələdiyyə Teatrında işləyib.

İntiqam VALEHOĞLU

Ölkə.Az