Toğrul Allahverdili: “Biz gücümüzü torpaqlarımızın azad edilməsinə yönəltməliyik\"

“Nardaranda baş verən qarşıdurmanı dinlə bağlamaq düzgün deyil. Burada xüsusi hazırlanmış qruplar var ki, onlar Azərbaycan gənclərini radikallığa sövq edir, dövlətə qarşı radikal olmağa cəhd edirlər”. Bunu Azərbaycan Slavyan Gəncləri Assosiasiyasının Rusiya nümayəndəliyinin rəhbəri Toğrul Allahverdili deyib.

Onun sözlərinə görə, Azərbaycan dünyaya örnək olan dövlətdir, tolerantlıq göstərərək milliyətindən aslı olmayaraq hər bir vətəndaşın dini inancına hörmətlə yanaşır: “Əminəm ki, yaxın günlərdə bu insanlar yanlış yolda olduqlarını başa düşəcək və qanunlara hörmətlə yanaşacaqlar. Nardaranlıların çoxu dövlətimizin müstəqilliyini qoruyan, dövlətçiliymizə sadiq insanlardır".

O əlavə edib ki, bu gün bir çox ölkələrdə gəncləri radikallığa çağırış cəhdləri edirlər: “Azərbacanda da gəncləri düz yoldan çəkindirmək istəyirlər. Azərbaycandan kənarda yaşayan, vətən həsrətini qürbətçiliyin nə olduğunu hər gün hər an hiss edən bir gənc kimi nardaranlı gənclərə, qardaş bacılarıma müraciət edərək deyirəm ki, ölkəmizin qədrini bilin siz öz dövlətinizin tərəfində olun. Təxribatçı adamların fikirlərinə uymayın. Bu çox vacibdir. Biz dövlətimizi, müstəqilliyimizi qoruyub saxlamalıyıq . Biz gücümüzü, birliyimizi torpaqlarımızın azad edilməsinə yönəltməliyik.

Hadisələr zamanı radikallar tərəfindən iki polisimizin şəhid olması yolverilməzdir. Azərbaycan polisi ölkəmizin təhlükəsizliyinin qarantıdır. Onlara atılan mərmi müstəqilliyimizə qarşı təhdiddir. Əminəm ki, günahkarlar cəzasını alacaq".

Ölkə.Az