Bakıda “Bakutel 2015” sərgisi keçiriləcək

Dekabrın 2-dən 5-dək

2015-ci il dekabrın 2-dən 5-dək Bakıda 21-ci Azərbaycan Beynəlxalq Telekommunikasiya və İnformasiya texnologiyaları (“Bakutel 2015”) sərgi və konfransı keçiriləcək.

Bu barədə “İteca Caspian” şirkətindən Oxu.Az-a bildirilib.

Şirkətdən qeyd edilib ki, regionun ən böyük tədbirlərindən biri olan “Bakutel” sərgisi 20 ildən artıqdır ki, hər il telekommunikasiya bazarının aparıcı iştirakçılarını öz platformasında bir araya toplayır.

Şirkətdən verilən məlumata görə, bu günə qədər 200-dən artıq şirkət sərgidə iştirakını təsdiqləyib:

“Artıq bu günə qədər Azərbaycan, Rusiya, Fransa, ABŞ və digər ölkələri təmsil edən 200-dən artıq şirkət sərgidə iştirak edəcəklərini təsdiqləyiblər. İştirakçıların 40%-i “Bakutel” sərgisinin daimi eksponentləridir.

Sərgi iştirakçıları arasında aparıcı İKT şirkətləri, Azərbaycanın mobil / rabitə operatorları, internet provayderləri, sistem inteqratorları və tanınmış brendlərin distribyutorları yer alır”.

Ölkə.Az