Nardaran ciddi nəzarətə götürüldü

10:35

Nardaran qəsəbəsi dörd bir tərəfdən hüquq-mühafizə orqanları tərəfindən mühasirəyə alınıb.

Qəsəbə sakini Natiq Kərimovun Trend-ə verdiyi məluamta görə, hazırda kimsənin qəsəbədən çıxmasına icazə verilmir: "Hazırda kənddə Daxili Qoşunların, həmçinin Daxili İşlər Nazirliyinin əməkdaşları, polislər var. Heç evdən çıxmağa icazə verilmir. Kənarla əlaqəmiz yoxdu, telefonlar işləmir".

Qeyd edək ki, bu gün səhər saatlarından başlayaraq Nardaran istiqamətində bütün yolla ciddi nəzarətə götürülüb.

Əraziyə hüquq-mühafizə orqanlarının əməkdaşları, eləcə də ağır zirehli texnika cəlb olunub.

***

10:10

Bu gün səhər saat 5 radələrindən etirbarən hüquq-mühafizə orqanları Nardaran qəsəbəsində təhlükəsizlik tədbirlərini gücləndirməyə başlayıb.

APA-nın məlumatına görə, Sabunçu körpüsündən Zabrat-Maştağa-Nardaran istiqamətində avtomobillərin hərəkəti birtərəfli dayandırılıb.

Nardaran ətrafına xüsusi texnika cəlb olunub.

Metronun "Koroğlu" syansiyasında da təhlükəsilik tədbirləri gücləndirilib, vətəndaşlar polis tərəfindən ciddi şəkildə yoxlanılır.

Hüquq-mühafizə orqanlarının məsələ ilə bağlı əlavə məlumat yayacağı gözlənilir.

Ölkə.Az