Elgiz deputatları tənqid etdi: "Mandat qazanan kimi başlayır şəcərəsinə gün ağlamağa"

Elgiz Əkbər aparıcısı olduğu "Günəbaxan" verilişində deputatlarla bağlı maraqlı açıqlamalar verib.

Ölkə.az-ın məlumatına görə, teleaparıcı Milli Məclisə yeni seçilmiş deputatları təbrik etdikdən sonra bəzi millət vəkillərini tənqid edib:

"Bu gün Milli Məclisin yeni tərkibdə ilk iclasıdır. Seçilənləri təbrik edirik və bildirmək istəyirik ki, onlardan gözləntilərimiz çoxdur. Əsl deputat xarizmasını ortaya qoyan, mətbuatın dostu olan deputatlarımız var. Amma çox təəssüf edirik ki, bəzi deputatlarımız passiv olublar. Bə s camaat deputatı niyə seçir? Deputat onların dərdlərinə məlhəm qoymaq haqqında düşünməli, pis və yaxşı günlərində yanlarında olmalıdır. Ancaq təəssüf ki, bəziləri mandat qazanan kimi başlayırlar şəcərələrinə gün ağlamağa. Belə deputatlar da var və bu heç kimə sirr deyil".

Qeyd edək ki, V çağırış Milli Məclisin bu gün ilk plenar iclası olacaq. İclasda 19 məsələ müzakirəyə çıxarılacaq.

İntiqam VALEHOĞLU
Ölkə.az