Ruslan İzzətli Türkiyə Parlamentində

D18 Hərəkatının başqanı Ruslan İzzətli Türkiyədə səfərini davam etdirir.

Ruslan İzzətli səfər çərçivəsində Türkiyə ana müxalifət partiyası CHP-nin millət vəkili, partiya sədrliyinə namizəd Muhərrəm İncə ilə görüşüb. D18 Hərəkatının mətbuat xidmətindən verilən məlumata görə görüş zamanı Azərbaycandakı siyasi vəziyyət, siyasi məhbuslar məsələsi, demokratiya, insan haqlarının indiki vəziyyəti müzakirə edilib.

Görüşün sonunda Muhərrəm İncə və Ruslan İzzətli Türkiyə Parlamentinin görüş salonunda 100 dən çox gənclə görüşüb və onların sualları cavablandırılıb.

Mətbuat xidmətindən bildirildi ki, səfər çərçivəsində Türkiyə parlamentində görüşlər davam edəcək. Həmçinin bir sıra siyasi partiyalarla da görüş keçiriləcək.

Ölkə.Az