Ruslan İzzətli alman fondunun təmsilçisi ilə görüşdü

Türkiyədə səfərdə olan D18 Hərəkatının başqanı Ruslan İzzətli Fridrix Nauman Fondunun Türkiyə təmsilçisilə görüşüb.

D18 Hərəkatının mətbuat xidmətinin Ölkə.Az-a verdiyi məlumata görə Türkiyənin İstanbul şəhərində Ruslan İzzətli Nauman Fondunun ofisini ziyarət edib. Fondun Türkiyə üzrə daimi təmsilçisi Dr. Hans-Georg Fleck ilə görüşüb. Görüşdə Azərbaycanda demokratiyanın, insan haqlarının durumu, siyasi məhbus məsələsi fond təmsilçisinin diqqətinə çatdırılıb.

Ruslan İzzətli görüşdə hakimiyyətin totalitar bir rejim qurmasını və qərb institutlarının Azərbaycandan çıxarıldığını fondun nümayəndələrinin diqqətinə çatdırıb.

Görüşün sonunda D18 Hərəkatıla Fondun əməkdaşlığı müzakirə olunub.

Ölkə.Az