Ölkə.Az \"Milli Net\"in qalibi oldu

Portalımız bir ildə ikinci dəfədir ki, belə nüfuzlu mükafat qazanır.

Ölkə.Az analitik informasiya portalı "Milli Net 2015" Milli İnternet Mükafatının Media və İnformasiya nominasiyası üzrə qalibi olub.

Təqdimat mərasimində artıq 7-cı ildir keçirilən "Milli Net 2015" müsabiqəsinin cari il üçün qalibləri elan olunub. Təqdimat mərasimində dövlət və özəl sektorun, ictimai təşkilatların və media qurumlarının nümayəndələri, İnternet-media sahəsində fəaliyyət göstərən informasiya resurslarının rəhbərləri və ictimaiyyətin çoxsaylı nümayəndələri iştirak edib.

"Milli Net 2015"ə 14 Nominasiya üzrə 374 internet resurs təqdim olunub və onlardan yalnız 299 sayt yarışmaya buraxılıb. Azərbaycan İnternet Forumu tərəfindən üç istiqamət üzrə peşəkarlardan ibarət olmaqla formalaşdırılan Münsiflər Heyəti 2-ci səsvermə prosesində 97 Nominant arasından ən yaxşılarını seçib.

Sonra qaliblərə, II və III yeri tutanlara mükafatlar, diplomlar və hədiyyələr təqdim edilib. Mükafatların təqdim edilməsində İnternet ictimaiyyətinin nümayəndələri, İKT sahəsində fəaliyyət göstərən dövlət və özəl sektorun, təhsil müəssisələrinin nümayəndələri, Milli Net təşkilatçıları iştirak ediblər.

"Milli Net 2015" Milli İnternet Mükafatının Media və İnformasiya nominasiyası üzrə mükafat Ölkə.Az-ın baş direktoru Məmməd Gülməmmədova təqdim olunub.

Digər nominasiyalar üzrə qaliblərin siyahısı millinet.az-da yerləşdirilib.

Qeyd edək ki, qısa müddət ərzində "Ölkə.Az" geniş oxucu auditoriyası qazanaraq bunun sayəsində bir sıra uğurlara imza atıb. Həmin uğurlardan biri biri də Ölkə.Az-ın ilin ən yaxşı informasiya portalı müsabiqəsində "İnformasiya və xəbərlər" nominasiyasında "NETTY 2015" Azərbaycan Milli İnternet Mükafatına layiq görülməsi olub.

Beləliklə, Ölkə.Az bir ildə media sahəsi üzrə iki nüfuzlu mükafata layiq görülməklə bir ilkə imza atıb.

Rəşid Mustafazadə

Ölkə.Az