Deputat: \"Yerli məhsulların qiyməti dondurulmalıdır\"

"Manatın ucuzlaşması təbii haldır, onu sabit saxlamaq cəhdləri süni idi"

Bu sözləri Ölkə.Az-a açıqlamasında millət vəkili Araz Əlizadə deyib.

Millət vəklinin sözlərinə görə, ABŞ Rusiyanı diz çökdürmək istəyir, bu isə bütün dünyanın diz çökməsi ilə nəticələnir.

Araz Əlizadə: "Bizim iqtisadiyyatımız da neftdən asılıdır. Neftin qiymətini isə Səudiyyə Ərəbistanının köməyi ilə süni surətdə öldürürlər. ABŞ özünün dünya bazarına neft satmaq qadağasını da ortadan götürüb. Ona görə də bunu təbii proses kimi görmək lazımdır. Süni olan 1 dolları 78 qəpikdə saxlamaq idi. Bizdə yerli məhsulların qiymətləri dondurulmalıdır. Dollarla gələn məhsula deyə bilmərik ki, məhsulu filan qiymətə sat".

Səxavət Məmməd
Ölkə.Az