İki supermarket şəbəkəsinin Yevlax filialları bağlanıb

Dünənki devalvasiya dalğasından sonra rayonlarda böyük marketlər qapılarını müşətirlərin üzünə bağlayıb.

Yevlax şəhər sakinlərindən Ölkə.Az-ın redaksiyasına daxil olan məlumata görə, şəhərdəki böyük marketlər bağlanıb. Kiçik marketlər isə malların qiymətlərini qaldırıb.

Sakinlərin verdiyi məlumata görə, "Ruzi" və "Favorit" marketlər şəbəkəsinin Yevlax şəhərindəki filialları dünəndən bağlıdır. Güman edilir ki, hər iki market yeni qiymətlərlə müştərilərin üzünə açılacaq.

Yevlax şəhər sakinləri mağazalardan bağlanmaqlarının səbəbini soruşduqda onara "rəhbərliyin göstərişidir" cavabını veriblər.

Səxavət Məmməd
Ölkə.Az