Devalvasiya kasıbın yeməyini də vurdu

Manatın dollara nisbətdə kəskin ucuzlaşması Azərbaycanın istehlak bazarında ciddi bahalaşma ilə nəticələndi.

"Qara bazar ertəsi"nin iqtisadiyyata neqativ təsiri davam edir.

Ölkə.Az-a bölgələrdən daxil olan məlumata görə, Ağdam, Bərdə, Yevlax və Mingəçevirdə unun 1 kisəsinin qiyməti 5-7 manat arası qalxıb.

Rayon sakinlərinin saytımıza verdiyi məlumata görə, əvvəllər ən bahalı unun kisəsi 23 manat idisə, indi həmin unun kisəsi 28-30 manat arasında dəyişir.

Artıq paytaxt və digər bölgələrdəki bəzi marketlərdə çörəyin qiyməti qaldırılıb. Unun qiymətinin qalxması çörək və çörək məhsulların qiymətinə də öz təsirini göstərib. Ekspertlərin fikrincə əgər unun qiyməti qalxıbsa, əlbəttə o çörəyin qiymətinə, ya da çəkisinə təsir etməlidir.

Səxavət Məmməd
Ölkə.Az