Elçin Quliyev özbək generalla görüşdü
Dövlət Sərhəd Xidmətinin rəisi general-polkovnik Elçin Quliyevin dəvəti ilə Özbəkistan Milli Təhlükəsizlik Xidməti sədrinin müavini – Sərhəd Qoşunlarının komandanı general-mayor Eminjanov Rustam Olimoviçin rəhbərlik etdiyi nümayəndə heyəti ölkəmizə rəsmi səfərə gəlib.
Ölkə.Az xəbər verir ki səfər çərçivəsində Azərbaycan Dövlət Sərhəd Xidməti və Özbəkistan Milli Təhlükəsizlik Xidmətinin Sərhəd Qoşunlarının nümayəndə heyətləri arasında görüş keçirilib.
Görüş zamanı ikitərəfli əlaqələrin mövcud vəziyyəti və perspektivlərinə dair fikir mübadiləsi aparılıb, sərhəd mühafizəsi, dövlət sərhədindən buraxılış məntəqələrinin fəaliyyəti, sərhəd aviasiyası və digər aidiyyəti sahələr üzrə əməkdaşlığa hazırlıq məsələləri müzakirə edilib.
Ölkə.Az
