\"Qaldırıb satırıq, türkün məsəli\"
"Uşaqlar dədə-baba sisteminə qayıdacaq ki..."
Məşhur dünya brendi "Procter & Gamble" şirkəti də manatın növbəti 50%-lik devalvasiyasından sonra məhsullarının qiymətini qaldırmaqda gecikməyib.
Ölkə.Az-ın əməkdaşı mağazalardan birində olanda "Procter & Gamble"in əməkdaşı ilə mağaza satıcısı arasında qiymətlərlə bağlı telefon danışığının şahidi olub. Əməkdaşımız mağaza satıcısının icazəsi ilə həmin danışığı diktafona yaza bilib.
Ölkə.Az - Mağazanın satıcısı ilə "Procter & Gamble"in əməkdaşı arasında gedən maraqlı telefon danışığını sizə təqdim edir:
Mağaza satıcısı: Satış var, yoxsa malları hələ gizlətmisiniz?
"Procter & Gamble"in əməkdaşı: Qaldırıb satırıq, türkün məsəli...
Mağaza satıcısı: Rəsmi qaydada qalxıb?
"Procter & Gamble"in əməkdaşı: Bəli, bəli.
Mağaza satıcısı: "Pampers" neçəyə olub?
"Procter & Gamble"in əməkdaşı: "Pampers" 18 manat 80 qəpik olub.
Mağaza satıcısı: Bəs biz onu neçəyə sataq?
"Procter & Gamble"in əməkdaşı: Nə bilim, 20-25 manata sat getsin.
Mağaza satıcısı: 25 manata pampers olar? Dədə-baba sisteminə qayıdacaq uşaqlar ki... "Ariel" 6 kq bəs?
"Procter & Gamble"in əməkdaşı: 22 manat neçəsə qəpikdir.
Mağaza satıcısı: Bir iki şeylə maraqlanıram, bağışla vaxtını da alıram. 3 kiloqramlıq "Ariel"?
"Procter & Gamble"in əməkdaşı: Gözlə qiymətə baxım - 11 manat 56 qəpik.
Mağaza satıcısı: 11 manat 56 qəpik nə idi? 9 manata satıram ee...
Mağaza satıcısı: Kilo yarımlıq "Ariel"?
"Procter & Gamble"in əməkdaşı: 5 manat 90 qəpik.
Mağaza satıcısı: Karopkalar?
"Procter & Gamble"in əməkdaşı: 2 manat 27 qəpik.
Mağaza satıcısı: "ACE"?
"Procter & Gamble"in əməkdaşı: 1 manat 65 qəpik
Mağaza satıcısı: "Fairi"?
"Procter & Gamble"in əməkdaşı: 1 manat 75 qəpik
Mağaza satıcısı: Balaca "Fairi" eee...
"Procter & Gamble"in əməkdaşı: Hə də, balacanı deyirəm.
Mağaza satıcısı: Nə qaldı, hər şeyi qaldırdınız ki.
"Procter & Gamble"in əməkdaşı: Hər şey qalxıb da. Kim deyirdi ki, qalxmayıb.
Mağaza satıcısı: Satış edirsiniz?
"Procter & Gamble"in əməkdaşı: Edirik.
Mağaza satıcısı: 1000 manatlıq almaq istəyirəm. Yazmağa problem yoxdur ki?
"Procter & Gamble"in əməkdaşı: Problem var.
Mağaza satıcısı: Nə qədər sata bilərsiniz?
"Procter & Gamble"in əməkdaşı: Nə qədər istəsəniz sata bilərəm. Ancaq öz günündə, ikinci gün.
Mağaza satıcısı: Mal çıxır, dünən, bu gün?
"Procter & Gamble"in əməkdaşı: Çıxır, heç bir problem yoxdur. Qiyməti qaldırandan sonra nəyə limit qoyacağıq ki? Nə qədər bacarısınız satın da.
Mağaza satıcısı: Onda icazə verilib də.
"Procter & Gamble"in əməkdaşı: İcazə verməyib nə edəcəklər? Onda hamı şirkətləri bağlayıb getsin də...
Mağaza satıcısı: Yaxşı, sağ ol
"Procter & Gamble"in əməkdaşı: Sağ ol.
Qeyd edək ki, manatın bu il ilk devalvasiyası vaxtı "Procter & Gamble" şirkətinin məhsulları də daxil olmaqla dövlət qurumları tərəfindən bir çox məhsulun dərhal bahalaşmasının qarşısını almaq üçün tədbirlər görülmüşdü...
Nurlan Gülməmmədov
Ölkə.Az
