Sabah bu yerlərdə qaz məhdudiyyəti olacaq

Hacıqabul, Siyəzən və Ağdaş magistral qaz kəmərləri sahələrində cari təmir işləri aparılacaq.

Ölkə.Az SOCAR-ın saytına istinadən məlumat verir ki, dekabrın 25-də saat 10:00-dan 18:00-dək “Qaz İxrac” İdarəsinin Hacıqabul magistral qaz kəmərləri sahəsinin “Atbulaq”, Siyəzən magistral qaz kəmərləri sahəsinin “Qobustan” və ''Qusar'', Ağdaş magistral qaz kəmərləri sahəsinin “Cırdaxan”, “Yeni Yevlax”, “Yevlax-1” və “Ucar” qazpaylama stansiyalarında, eləcə də bəzi ölçü qovşaqlarında cari təmir işləri aparılacaq.

Təmir müddətində Hacıqabul rayonunun Atbulaq və Qızılburun kəndlərinin qaz təchizatında məhdudiyyətlər olacaq. Aparılan işlərin Qobustan, Qusar, Yevlax və Ucar rayonlarının bir hissəsinin qaz təchizatına təsir göstərməsi də mümkündür.

Ölkə.Az