Ruslan İzzətli: "Hakimiyyət anti-böhran konsepsiyası hazırlamalıdır"

Ölkədə baş verən ikinci devalvasiyadan sonra ərzaq məhsullarının qiyməti qalxdı, dollarla krediti olan vətəndaşlar isə kreditlərini ödəyə bilmir. Bu isə bank sektorunun çöküşünə gətirib çıxardır. Vəziyyətdən çıxış yolu kimi isə dövlət hələki heç bir ciddi addım atmayıb.

Ölkədə baş verən son prosesləri D18 Hərəkatınını sədri Ruslan İzzətli Ölkə.Az-a şərh edib:

"Hökümətin illərlə neftən gələn pulun qeyri-neft sektoruna yatırmaması, dünya bazarında neftin qiymətinin düşməsi Azərbaycanda öz acı nəticəsini göstərdi. 10 ayda Azərbaycan manatı dollara nsbətən 98% devalvasiyaya uğradı. Bu da nəticədə digər sektorlara öz təsirini etdi. Azərbaycan ərzaq məhsullarının 70-80%-ni idxal edir. Ölkədə istehsal edilən mhsulların xammalı xaricdən gətirilib ölkədə konservləşdirilir. AZƏRSUN və digər şirkətlər ölkədə istehsal oluan malları xaricədən gətirir. Deyə bilərlər ki, AZƏRSUN v digər şirkətlər çayı və digər məhsulları niyə xaricdən gətirir? Buna əsas səbəb də Azərbaycanda kiçik və orta sahibkarlıq inkişaf etməyib. Sovet dönmində Azərbaycanda xüsusi ixtisaslaşdırılmış zonalar var idi. Meyvə tərəvəzçilik, çayçılıq, taxıl və pambıq iqtisadi zonaları var idi. Təəssüf ki, son 20 il ərzində onlar inkişaf etmədi və ən ölü sahəyə çevrildi.

Hal-hazırda insanlar üçün əsas problem banklardır. Azərbaycan höküməti və banklar qərar verməlidir ki, dollarla olan kreditlər manata çevrilsin. Bunun ortaq yolun tapmaq lazımdır. Çünki ölkədə kifayyət qədər problemli kreditlər var. Ən önəmlisi problemli kreditləri həll etmək olar. Ölkədə 1 milyona yaxın insanın problemli krediti var. Bu həm bankları çökdürü, həm də vətəndaş o pulları qaytara bilmir. Bu məsələyə dövlət əncam çəkməlidir.

Gömrükdəki monopoliyanı aradan qaldıra bilərlər. Bu problem aradan qalxarsa kiçik və orta sahibkarlar ölkəyə çox rahat mal gətirə bilərlər. Hökümət özəl sektorlarda monopoliyanın qabağını almalıdır. Artıq iqtisadi islahatlara başlamalıdır.

Hakimiyyət anti-böhran konsepsiyası hazırlamalıdır. Böhran komisiyası devalvasiya və böhran dönəmində hansı addımlar atılmalıdır, bu yöndə təkliflər və planlar hazırlamalıdır. Məmurlar vətəndaşlara şəffaf və dəqiq informasiya verməlidir. Bir neçə gündür devalvasiya var, vətəndaş təəccüb içərisində nə baş verdiyini bilmir. Bunun da nəticəsində bəzi sahibkarlar ərzağın qiymətini bilərəkdən qaldırırlar. Hökümət bununla bağlı addımlar atmalıdır. Əks halda mart ayından daha ciddi problemlər yaşanacaq".

Səxavət Məmməd

Ölkə.Az