ABŞ əleyinə layihə parlamentin müzakirəsində

Bu gün Milli Məclisin son plenar iclası keçirilir.

Millət vəkili Rövşən Rzayev ABŞ əleyhinə hazırladığı “ABŞ-da insan hüquqlarının vəziyyəti haqqında” qanun layihəsi ilə bağlı parlamentdə çıxış edib.

Milli Məclisin üzvü çıxışı zamanı hazırladığı layihənin ABŞ konqresinə təqdim olunan layihə ilə əlaqədar olduğunu diqqətə çatdırıb.

R. Rzayev qeyd edib ki, bu layihə Azərbaycana qarşı yol verilən ədalətsizliyə etrirazdır:

“ABŞ konqresinə təqdim olunan layihənin arxasında emrənipərəst qüvvələr və onların lobbisi dayanır. Əsas ideya odur ki, guya Azərbaycanda insan hüquqları pozulur və buna görə də Dağlıq Qarabağdakı ermənilər Azərbaycanın tərkibində yaşa bilməz”.

Deputat həmçinin əlavə edib ki, ermənilər bununla dünya ictimaiyyətinə çatdırmaq istəyirlər ki, guya bizimlə yaşamaq mümkün deyil: “Əslində bu, ABŞ konresinin mövcud qanun layihəsi ilə onlara kömək etməyə çalışmasıdır. Halbuki bu günə qədər ABŞ azərbaycanlılara qarşı törədilən vəhşiliklərə bir dəfə də olsun münasibət bildirilməyib. Baxmayaraq ki, ABŞ-ın özündə insan hüquqları ilə əlaqədar kifayət qədər qanun pozuntular var. Ona görə də xahiş edirəm ki, müəllifi olduğum qanun layihəsi Milli Məclisin aparatında qeydiyyatda alınsın və müzakirə olunsun”.

Spiker Oqtay Əsədov deputata hazırladığı layihəni Milli Məclisin Aparat rəhbəri Səfa Mirzəyevə təqdim etməsi tövsiyə edib.

“Qanun layihəsi Hüquq siyasəti və dövlət quruculuğu, İnsan hüquqları və Beynəlxalq münasibətlər və parlamentlərarası əlaqələr komitəsində baxılmalı və sonda yekun qərar verilməlidir”.

Ölkə.Az