Moskvada Azərbaycan gəncliyi Həmrəylik Gününü qeyd etdi
Dünyanın mədəniyyət mərkəzlərindən sayılan Rusiya federasiyasının paytaxtı Moskva Şəhərində Fəaliyyət göstərən Azərbaycan diaspor təşkilatları xalqımızın həmrəylik günü və yeni il bayramını qeyd etdi.
Ümumrusiya Azərbaycan Konqresi, Azərbaycan Mədəniyyətinin inkişaf və intibah fondu, Azərbaycan Slavyan Gənclər Assosiyasiyasının (ASGA) Rusiya nümayəndəliyi tərəfindən təşkil olunan Həmrəylik bayramı möhtəşəmliyi ilə yadda qaldı.
Tədbiri açan Ümumrusiya Azərbaycanlıları Kongresinin Moskva üzrə icraci direktoru, Azərbaycan mədəniyyətinin inkişaf və intibah fondunun sədri Şəmil Tağıyev qonaqların bayramını təbrik etdi və yeni ildə hər kəsə uğurlar arzuladı.
Ümumrusiya Azərbaycan Konqresinin icraci direktoru İlqar Hacıyev isə Həmrəylik bayramın Azərbaycan xalqı üçün kəsb etdiyi əhəmiyyətə toxundu və Azərbaycan xalqının tarixində bu bayramın önəmini qeyd etdi.
Daha sonra Cıxış edən Azərbaycan Slavyan Gənclər Assosiyasiyasının (ASGA) Rusiya nümayəndəliyinin sədri Toğrul Allahverdiyev, Ümumrusiya Azərbaycan Kongresinin icraci direktorunun gənclər üzrə müavini Cavid İbrahimov Həmrəylik gügü bayramının özəlliyini qeyd etdilər. Gənclərə və tələbələrə qarşıdan gələn yeni ildə uğurlar arzulandı.
Tədbir gənclərin hazirladığı musiqili nömrələrlə davam etdirildi. Azərbaycan milli rəqsləri, musiqiləri tədbir iştirakçılarını feyziyab etdi.
Tədbirdə iştirak edən və ifası ilə həmyerlilərimizin qonağı olan tanınmış musiqici Bəxtinin çıxışı isə gurultulu alqışlara səbəb oldu.
Bayram şənliyi Azərbaycan mədəniyyətinin inkişaf və intibah fondu tərəfində təşkilatın həyatında yaxından iştirak etmiş diaspor nümayəndələrimiz və tələbələrə fəxri diplomların verilməsi ilə davam etdirildi.
Sonda bayram tortu kəsildi.
Ölkə.az
