"Apteçka"-yeni paz və ya sürücülərə şad xəbər
İntiqam VALEHOĞLU
"Apteçka" son günlər mətbuatda, sosial şəbəkələrdə ən çox işlənən sözdür. İş o həddə çatıb ki, "devalvasiya" sözü də "apteçka"ya təslim olub. İndi gəlin görək avtomobillər üçün ilk tibbi yardım çantalarında-yəni "apteçka"larda nələr olmalıdır. Əvvəlcədən siyahının uzunluğuna görə, bu siyahını 5 avqust 2008-ci il Tarixli 09 nömrəli əmrlə təsdiq edən Səhiyyə Nazirliyi adından üzr istəyirəm və sözügedən qurumun diqqətinə çatdırıram ki, bu siyahını oxuyandan sonra oxucularımızın ürəyindən keçirdiyi kəlmələrə görə, müəllif, eyni zamanda Ölkə.az heç bir məsuliyyət daşımır. Bu da həmin siyahı...
1. Travma (çıxıqlar, sınıqlar, əzilmələr), şok, yaralanmalar zamanı istifadə olunan ağrıkəsici, şoka qarşı və iltihab əleyhinə vəsaitlər:
1.1. Analgin 0,5 №10 (yaxud əvəzedici) qutu 1
1.2. Portativ hipotermik (soyuducu) paket-
Konteyner ədəd 1
1.3. Natrium sulfasil məhlulu tubik 1
1.4. Aspirin qutu 1
2. Qanaxmanın dayandırılması, yaranın təmizlənməsiv ə sarğı üçün vəsaitlər:
2.1. Özünə və qarşılıqlı yardım məqsədi
ilə arterial qanaxmanı saxlaman üçün
təmizlənən kompressiyalı (təzyiqli) jqut ədəd 1
2.2. Steril bint 10x5 ədəd 1
2.3. Qeyri-steril bint 10x5 ədəd 1
2.4. Qeyri-steril bint 5x5 ədəd 1
2.5. Çirkli yaraları sarımaq üçün dioksidli
və ya gümüş nitratlı 8x10 sm ölçüdə
MAQ atravmatik sarğısı ədəd 1
2.6. Bakterisid leykoplastr 2,5x7,0 yaxud
2x5 ədəd 8
2.7. Kapilyar və venoz qanaxmaları saxla- ədəd 3
maq üçün 6x10 sm, 10x18 sm ölçüdə
furaqinli "Koleteks QEM" steril salfet-
ləri yaxud statin (toz halında) 1,0q dəst 3
2.8 Spirtdə 5 faizli yodun yaxud1 %-li bri-
llant abısının məhlulu (zelyonka) flakon 1
2.9. 1x500, yaxud 2x500, yaxud 1x250 sm
öçüdə leykoplastr ədəd 1
2.10. Qeyri-steril boruşəkilli tibbi elastik
bint №1, 2, 6 hər birindən ədəd 1
2.11. Pambıq 50 q bağ 1
3. Ürək ağrılarına qarşı vəsaitlər:
3.1. Nitroqliserin həbləri №40 yaxud kap-
sulası №20 (trinitrolonq) qutu 1
3.2. Validol (tabletka yaxud kapsula) qutu 1
4. Kliniki ölüm zamanı ürək-ağciyər reanimasiyası üçün vasitələr:
4.1. Süni nəfəs vermək üçün alət-
"Ağız-qurğu-ağız" (1 ədəd)
5. Bayılmaya qarşı vasitə:
5.1. Ammiak məhlulu (naşatır spirti) flakon 1
6. Qida və sair zəhərlənmələrdə dezintoksikasiya üçün vəsaitlər:
6.1. Enterodez qutu 2 yaxud aktivləşdirilmiş kömür №10 qutu 1
7. Stres hallarına qarşı vəsaitlər:
7.1. Korvalol flakon (1 ədəd)
8. Küt uclu qayçı (1 ədəd)
9. Təlimat (1 ədəd)
10. Plastmass futlyar (1 ədəd)
Qeyd edək ki, siyahıda göstərilən dərmanları və tibbi ləvazimatları özbaşına dəyişmək, komlektləşdirmə qabı zədələnmiş və vaxtı ötmüş vasitələrdən istifadə etmək olmaz. Eyni zamanda çantadakı hər hansı vəsaitdən istifadə edildikdə yerinə dərhal yenisi qoyulmalıdır.
Bir daha xatırladıram ki, bu siyahıdakı dərmanların aptekdə yox, məhz "apteçka"da olmalıdır. İntəhası o boyda dərman bir qutuya sığışacaqmı. Bu və digər məqamları nəzərə alıb aidiyyatı qurumlar qarşısında bir neçə təkliflə çıxış etmək istəyirəm.
Sükan arxasında sürücü hər bir kilometrdə cəmi iki dəfə nəfəs ala bilər. İki dəfədən artıq nəfəs alan sürücülər 40 manatdan 80 manatadək cərimə olunsunlar. Çünki bir də gördün sürücünün başı qarışdı nəfəs almağa, getdi girdi "stolba"ya. Bu, həm də yol polisləri üçün əlavə "çörək yeri"dir. Çörək yeri o mənada ki, bildiyimə görə, yol polisləri yazdıqları cərimələrin faizi onların əmək haqlarının üzərinə hesablanır. Hər halda, qulaq günahkarıyam. İndi görün nəfəs söhbəti hansı cəriməyə səbəb ola bilər. Məsələn astma xəstəliyindən əziyyət çəkən biri boğulub ölməmək üçün maşını daha yüksək sürətlə sürəcək ki, kilometr tez başa çatsın və daha çox nəfəs ala bilsin. Belə olan halda, o, mütləq maşını normadan artıq sürətlə sürəcək. Sürət həddini keçmək varsa, deməli, cərimə də var. Cərimə varsa, çörək də var.
Növbəti təklifim ondan ibarətdir ki, sürücülərə istilik vergisi qoyulsun. Təbii ki, söhbət "peç" olan maşınlardan gedir. Kimin maşınında istilik qurğusu işləyirsə, hər ay 50 manat istilik pulu versin. Necə ki, işıqpulu, qazpulu, su pulu ödəyirik ha, bax elə. Pulun yoxdur, canın çıxsın otur soyuqda. Necə olur, 70 qəpiyə benzin ala bilirsən, ayda əlli manat istilik vergisi verə bilmirsən? Günə 3 manat 30 qəpik düşür.
Özüm baxmamışam, amma həmkarım Mahir Məmmədli deyir ki, yol polisi əməkdaşları sürücülərin "apteçka"sında yodu yoxlayırmışlar:
"Lider" TV-də "apteçka reydi" göstərirlər. Yol polisi əməkdaşının biri yodu iyləyib yoxlayırdı. Biri də sürücüdən soruşurdu ki, bu tibbi vasitələrdən necə istifadə eləyirlər, göstər baxım".
Bax heç bu mənim ağlıma gəlməmişdi. Amma dərmanların tərkibi mütləq yoxlanmalıdır. Ancaq burada bir incə nüans var. Ya yol polislərinə dərmanların iyindən keyfiyyətini yoxlamaq kursları keçilməlidir, ya da hər yol polisi maşınında bir dərman mütəxəssisi ağ xalatda oturub dərmanların keyfiyyətinə nəzarət etməlidir. Məsələn, serjant Gülməliyev nə bilsin ki, bu korvalol keyfiyyətlidir, yoxsa aptekdən sürücüyə həmin dərmanı "importnu" adıyla itələyiblər? Sən canın düz demirəm, ay oxucu?
Hələ mən o təkliflə çıxış etmirəm ki, hərə maşınında bir tibb bacısı da gəzdirməlidir. Açığı, bu çox qəliz məsələdir və mümkünsüz kimi görünür. Ancaq bir də gördün Səhiyyə Nazirliyi 7984 saylı əmrlə bunu da təsdiq elədi. Guya nazirliyin təsdiq elədiyi qərarların hamısı yararlıdır ki?
Ölkə.az
