Facebook səhifələrini oğurlayan şəxslərlə bağlı nazirliyə müraciət ediləcək
Müasir dünya üçün kibercinayətkarlıq çox ciddi bir problemdir. Ona qarşı dünyanın daha təsirli mübarizə üsullarına ehtiyacı olsa da bu bir problem olaraq qalır.
Son zamanlar Azərbaycanda da kibercinayətkarlıq halları artıb. Xüsusi ilə facebook profillərini və səhifələrini oğurlayan şəxslər öz çirkin əməllərini davam etdirirlər. Tanınmış adamların profillərini və səhifələrini ələ keçirən şəxslər, bu səhifələrdən reklam vasitəsi ilə pul qazanmaq və ya digər məqsədlər üçün istifadə edirlər.
Ölkə.Az xəbər verir ki, son bir neçə həftə ərzində oğurlanmış səhifələrin idareediciləri, məsələ ilə bağlı Bizimyol.info-ya müraciət ediblər. Onlar səhifələrinin geri qaytarılması üçün Daxili işlər nazirliyinə, Dövlət Təhlükəsizlik Xidmətinə, Rabitə vəYüksək Texnologiyalar nazirliyinə müraciət hazırladıqlarını bildiriblər. Oğurlanan səhifələrin idarediciləri, internet məkanında onların adından müxtəlif məlumatların paylaşıldığını və bu məlumatlar görə məsuliyyət daşımadığını bildirirlər.
