Məşhur market müştərilərini belə aldadır

Məşhur supermarketlər şəbəkəsi olan “Grandmart” müştəriləri aldadırmı? 

Ölkə.Az xəbər verir ki, alıcılardan biri “Qafqazinfo”ya bildirib ki, bu gün Yasamal r-nu. İ.Qutqaşınlı küçəsində yerləşən marketdə etdiyi alış-veriş zamanı məhsulun üzərindəki qiymətlə çekdə qeyd olunan qiymətin eyni olmadığını görüb. Belə ki, onun aldığı məhsulun üzərində qiymət 24,90 yazılsa da, kassada qiymət 26,96 manat hesablanıb: “Vitrində yanımda xurmanın üstünə qiymətini vurdular. Çıxışda isə kassa çekində başqa qiymət yazıldığını gördüm. Şikayət etdiyim zaman işçilər məndən çekləri almaq istədilər, lakin vermədim. Çox zaman çekdəki qiymətlərə baxmırıq. Media vasitəsi ilə bu hadisəni işıqlandıraraq alıcıları daha diqqətli olmağa çağırıram”.

Məhsulun üzərindəki və çekdə qeyd olunan qiymətlər:

Məsələ ilə bağlı olaraq “Qafqazinfo” “Grandmart”la əlaqə saxlayıb. Supermarketin müdir müavini Elnur Ağayev bildirib ki, həmin qarışıqlıq baş verən zaman özü də marketdə olub: “Səhər kassalarda problem olduğu üçün qiymətlərlə bağlı məlumatlar kassaya gec ötürülüb. Həmin cavan oğlan şikayət edən zaman 5 dəqiqə gözləməsini, hər şeyin həll olunacağını bildirdik. 2 manatını da qaytaracaqdıq. Ancaq çekləri götürüb tələsik getdi. Bu kimi hal baş verən zaman müştərilərdən məsələ ilə bağlı əvvəlcə bizə müraciət etmələrini, problem həll olunmayan təqdirdə mediaya üz tutmalarını xahiş edirik”.

Ölkə.Az