SOCAR-dan kəsilən yemək pulları ilə bağlı

SOCAR-in işçilərinə verdiyi yemək pulunu kəsdiyi haqda xəbərlər yayılıb.

SOCAR-da çalışan işçilərdən Ölkə.Az-a daxil olan məlumata görə, şirkət rəhbərliyi işçilərə verilən gündəlik yemək pulunun bu aydan kəsiləcəyi haqda onlara xəbərdarlıq edib.

Məsələni aydınlaşdırmaq üçün ARDNŞ-ın mətbuat xidmətinin rəhbəri Nizaməddin Quliyevlə əlaqə saxladıq.

Nizaməddin Quliyev yayılan bu tipli şaiyələrin həqiqəti əks etdirmədiyini bildirərək xəbəri təkzib etdi. O, bildirdi ki, bu yalan söhbətdir və şirkət rəhbərliyi yemək pulunu kəsməyi nəzərdə tutmur və bu haqda heç bir qərar qəbul etməyib.

Xatırladırıq ki, SOCAR-da işçilərə maaşdan əlavə gündə 3 manat yemək pulu verilirdi.

Səxavət Məmməd
Ölkə.Az