Nizami Kino Mərkəzindən növbəti aksiya

Nizami Kino Mərkəzindən növbəti aksiya

“Ümid yeri” uşaq sığınacağının sakinlərinə animasiya filmi nümayiş olunub.

Nizami Kino Mərkəzi “Ümid Yeri” uşaq sığınacağı sakinlərinə ABŞ istehsalı olan “Ov mövsümü” animasiya filmini nümayiş ediblər.

Böyük maraqla filmi izləyən uşaqlar nümayişdən sonra Nizami Kino Mərkəzi tərəfindən kinomərkəzin “Nizami Restaurant & Lounge” restoranında nahara dəvət olunub. Nahardan əvvəl onlara məşhur animator “Mister White” (Oleq) köpük şousu nümayis edib.

Qeyd edək ki, Nizami Kino Mərkəzinin rəhbərliyi , “Nizami Restaurant & Lounge” restoranının menedjeri Kamilə Abbasova və onun dəvəti ilə uşaqlara şou nümayiş edən Oleq bu tədiri tam təmənnasız təşkil ediblər.

Balaca qonaqlar adından sığınacağın rəhbəri Nigar Mənsimli uşaqlar üçün hazırlanmış tədbirə görə bütün zəhməti olan insanlara təşəkkürünü bildirib. O, sığınacağda yaşayan, valideyn himayəsindən məhrum olan və müxtəlif səbəblərdən küçə həyatına məruz qalmış uşaqlar üçün bu tədbirlərin böyük mənəvi rolu olduğunu qeyd edib.

Nizami Kino Mərkəzinin rəhbərliyi bu xeyirhaq təşəbbüsdə daima dəstəyə hazır olduğunu qeyd edib və əməkdaşlığın davamlı olacağını arzu edib.

Ölkə.Az