Jurnalistləri Cavid Hüseynovun məhkəməsinə buraxmadılar

Bakı Ağır Cinayətlər Məhkəməsi jurnalist Rasim Əliyevin qətlində təqsirləndirilən şəxslərin işi üzrə prosesə jurnalistləri buraxmayıb.

Ölkə.az-ın məlumatına görə, proses açıq olsa da, iclas jurnalistlər üçün qapalı elan olunub və bununla bağlı heç bir səbəb göstərilməyib.

Xatırladaq ki, jurnalist Rasim Əliyev 2015-ci il avqustun 8-də bir qrup şəxs tərəfindən döyülüb. Xəstəxanaya yerləşdirilən həmkarımız oradaca dünyasını dəyişib. Sözügedən hadisəylə əlaqədar Kənan Mədətov, Camal Məmmədov, Samir Mustafayev, Elşən İsmayılov, Arif Əliyev və futbolçu Cavid Hüseynov tutulublar.

İntiqam VALEHOĞLU
Ölkə.az