Gənc yazar: \"Evlərin qulluqçusu kimi bacımla bir yerdə işləyə bilərik\"

Gənc yazar Ayxan Ayvaz özünə yeni iş axtarır.

Ölkə.az-ın məlumatına görə, bu barədə Ayxan özü sosial şəbəkədəki profilində yazıb:

"Mənə mətbuatda iş yoxdur, yazıdan pul çıxmır. Evdə nə qardaşım, nə bacım işləmir, vəziyyət dözülməz dərəcədədir. Fiziki gücüm o qədər də yerində deyil, ağır işlərin altına girə bilmərəm. Lakin ofisiant, varlı evlərin qulluqçusu kimi bacımla bir yerdə işləyə bilərik. Evi yığışdıra, hətta sahibin uşaqlarına baxa bilərik. Bundan başqa gecələr qardaşımla yata bilmirik, varlı adamların obyektlərini qoruya bilərik, qarovulçu kimi. Maaş o qədər çox olmasa da olar, sadəcə normal dolanmağımıza çatsın. Acınacaqlı durum bizi buna məcbur edir. Hətta aclıq aksiyasını da düşünmüşük".

Xatırladaq ki, Ayxan Ayvaz mərhum yazıçı Ayvaz Əlləzoğlunun oğludur.

İntiqam VALEHOĞLU
Ölkə.az