Azərbaycanlı gənclərdən maraqlı aksiya

Üç nəfər azərbaycanlı gənc maraqlı aksiya keçiriblər.

Ölkə.az-ın məlumatına görə, Cavid Qara, Zaur Mirzoyev və Toğrul Cəfərov sosial şəbəkədə elan verərək ucqar kəndlərdə yaşayan uşaqlar üçün hədiyyə toplayıblar. Gənclər bildiriblər ki, hədiyyələri beş gün ərzində Quba və Qusar rayonlarındakı uşaqlara çatdırıblar.

"Ümumilikdə 225 uşağa hədiyyə çatdırdıq, 80 kilometr dağ yürüşü etdik və hədiyyələri bu rayonların ən ucqar kəndlərindəki uşaqlara çatdırdıq. Dörd dağ aşrımı keçdik, 15 kənddə olduq. Yeni ili Azərbaycanın ən yüksək yaşayış məntəqəsi Seliburda (2370m) keçirdik".

Gənclərin maraqlı aksiyasından olan fotoları təqdim edirik:

İntiqam VALEHOĞLU
Ölkə.az