Bankların qarşısındakı növbələr uzanır

Ölkə.az xəbər verir ki, paytaxtdakı bankların bir çoxunun qarşısında böyük növbələr yaranmağa başlayıb.

Əməkdaşımızın bu dəfə şahidi olduğu növbə şəhərin 28 may ərazisindəki "AzəriTürkbank"ın şöbəsi qarşısında yaranıb.

Təxminin 150 nəfərə qədər vətəndaşın toplaşdığı bank şöbəsində insanlar valyuta əməliyyatları həyata keçirmək üçün növbəyə durmuşdular. Əməkdaşımızla söhbət edən vətəndaşlar bankların fəaliyyətindən ciddi narazılıqlarını ifadə ediblər. Onların sözlərinə görə, banklar gün ərzində 20-30 nəfərə xidmət göstərdikdən sonra şöbələri bağlayırlar və növbədə gözləyən digər insanlar sabahı, birigünü gözləmək məcburiyyətində qalırlar.

Qeyd edək ki, növbədə dayanan vətəndaşların bəziləri xarici valyuta almaq, bəzisi pul göndərmək, bəzisi pul götürmək üçün bu əziyyəti çəkirlər.

Fotolar: Nurlan Gülməmmədov
Ölkə.az