Qardaşının öldürüb basdırdığı deyilən qız tapıldı

Tovuzda qardaşı tərəfindən öldürülüb kənd qəbiristanlığında basıdırıldığı iddia edilən Zülfiyyə Məhərrəmova tapılıb.

Qeyd edək ki, o, 3 gün əvvəl yoxa çıxmışdı.

Ölkə.Az xəbər verir ki, APA-nın qərb bürosunun verdiyi məlumata görə, Tovuz rayon Polis Şöbəsinin əməkdaşlarının keçirdikləri əməliyyat tədbirləri nəticəsində rayonun Əyyublu kənd sakini, 1995-ci il təvəllüdlü Məhərrəmova Zülfiyyə Nizami qızı tapılaraq bu gün səhər ailəsinə təhvil verilib.

1995-ci il təvəllüdlü Zülfiyyə Məhərrəmovanın itkin düşməsində şübhəli şəxs qismində saxlanan qardaşı 17 yaşlı Anar Səmədov sərbəst buraxılıb.

Məlumata görə qız evlərinin yaxınlığında yaşayış olmayan tikilidə gizlənirmiş.

Faktla bağlı Tovuz rayon Polis Şöbəsində araşdırma aparırlar.

Ölkə.Az