Baş həkim prokuroru təkzib etdi

Tovuzda 3 gün əvvəl itkin düşən qız tapılıb.

Ölkə.az-ın məlumatına görə, Əyyublu kənd sakini 21 yaşlı Zülfiyyə Məhərrəmova tapılaraq ailəsinə təhvil verilib. Məhərrəmova ailəsinin razılığı ilə rayon mərkəzi xəstəxanasına yerləşdirilib.

Tovuz rayon prokuroru vəzifəsini icra edən Elçin Qəhrəmanov bildirib ki, Məhərrəmovanın bədənində xəsarətlər var:

"Qız özü evdən qaçmışdı və üç gündür bir yerdə qalırmış. Qolunda xəsarətləri var. Hələ ki şokdadır. özünə gələndən sonra dindiriləcək".

Rayon Mərkəzi Xəstəxanasının baş həkimi Paşa Muradov isə prokurorun dediklərini təkzib edib:

"Qızın ciddi xəsarətləri yoxdur. Qolunda bir az sıyrıqlar var. Mətbuat məsələni çox şişirtdi. Biabırçılıqdır. Yazdılar ki, guya qəbiristanlıqda basdırılıb. Şok vəziyyətində də deyil. Stasinonar müayinəyə götürülüb".

Qeyd edək ki, gənc qızın kiçik qardaşı tərəfindən öldürülərək kənd qəbiristanlığında basdırıldığı bildirilirdi.

Zülfiyyə Məhərrəmovanın ailəsindən isə əməkdaşımıza bu barədə danışmaq istəmədiklərini bildiriblər.

İntiqam VALEHOĞLU
Ölkə.az