Ziya Məmmədov Zərdabda vətəndaşları qəbul edəcək
Vətəndaşların qəbulu və müraciətlərinə baxılması, mövcud nəqliyyat problemlərinin araşdırılması və həll edilməsi məqsədi ilə nəqliyyat naziriZiya Məmmədov yanvarın 22-də Zərdab şəhərində Kürdəmir, Hacıqabul və Zərdab rayonlarında yaşayan vətəndaşları qəbul edəcək.
Bu barədə Ölkə.Az-a nazirlikdən bildirilib.
Qəbula gəlmək istəyən vətəndaşların qeydiyyatı yanvarın 21-də saat 09:00-dan 18:00-dək müvafiq olaraq aşağıdakı ünvanlarda aparılacaq:
- Zərdab şəhəri, Ramiz Kərimov küçəsi-46 ünvanında yerləşən inzibati binada;
- Kürdəmir şəhər avtovağzalının inzibati binasında;
- Hacıqabul şəhər avtovağzalının inzibati binasında.
