“Azərsu”dan maaşların gecikməsi ilə bağlı
“Azərsu” ASC-nin mətbuat xidmətinin rəhbəri Anar Cəbrayıllı şirkətdə maaşaların gecikdirilməsi məsələsinə aydınlıq gətirib.
Ölkə.Az musavat.com-a istinadən xəbər verir ki, “Azərsu” rəsmisi mətbuatı əmək haqlarının gecikməsi ilə bağlı həqiqətdən uzaq və qarşı tərəfin mövqeyini öyrənmədən məlumat yaymaqda qınayıb:
“Əgər özlərinə əziyyət verib rəsmi mövqe kimi yazmaq istəsələr buyursunlar. “Azərsu” ASC-də heç bir əmək haqqı böhranı yoxdur. Bütün təşkilatlarımız noyabr ayının maaşlarını tam bağlayıb və şəxsən mən dekabrın da maaşını almışam. Eyni zamanda Ceyranbatan, Oğuz-Qəbələ-Bakı, Tağıyev adına, Kür Su təchizatı idarələri, Sukanal ETLİ, Sutikinti müəssisəsi, Xətai Sukanal, Bakı Sukanal idarələr, Mərkəzi Laboratoriya və s müəssisələrimiz də dekabrın maaşlarını alıb, digərləri isə ayın sonuna qədər alacaqlar”.
