Bakı metrosu şəhidlərin xatirəsinə al qərənfilə büründü

Azərbaycanın müstəqilliyi uğrunda mübarizədə 1990-cı il yanvarın 20-də həlak olanların xatirəsi Bakı Metropolitenində də yad edilir.

Ölkə.Az AzVision.az-a istinadən bildirir ki, hər il olduğu kimi, bu il də bütün stansiyalar qara lentli qərənfillərlə bəzədilib, matəm musiqiləri səsləndirilir.

Metronun "20 Yanvar" stansiyasında güllərdən xüsusi ekspozisiya hazırlanıb.

Qeyd edək ki, saat 12:00-da metroda bütün qatarlar dayandırılacaq, eyni anda fit verəcək, daha sonra faciə qurbanlarının xatirəsi sərnişinlərlə birlikdə bir dəqiqəlik sükutla yad ediləcək.