"Tarqovı" qaranlığa qərq oldu
Neftin qiymətinin kəskin ucuzlaşması və nəticədə manatın ikinci kəskin devalvasiyasından sonra müxtəlif xərclərə qənaət edilməyə başlanılıb.
Ölkə.Az azxeber.com-a istinadən xəbər verir ki, qənaət planı şəhərin mərkəzi küçələrində də hiss edilməyə başlanılıb. Belə ki, paytaxt sakinlərinin və turistlərin ən çox üz tutduqları Nizami küçəsində öncələr gecə saatlarına qədər söndürülməyən işıq lampaları saat 22:00-dan sonra söndürülür.
Artıq şəhərin mərkəzində görməyə öyrəşdiyimiz rəngarəng işıq lampalarını gecə saatlarında görə bilmirik.
