Gömrükdə ixtisarlar aparılacaq?
Hazırda bu məsələ gündəmdə deyil.
Bunu jurnalistlərə açıqlamasında Gömrük Komitəsinin sədr müavini Şahin Bağırov bildirib.
DGK rəsmisinin sözlərinə görə, hazırda Dövlət Gömrük Komitəsində ixtisarların aparılması nəzərdə tutulmur.
Daha sonra sədr müavini bildirib ki, tezliklə Azərbaycan və İran hər iki ölkənin gömrük-buraxılış məntəqələrinin işini sutkalıq rejimə keçirəcək: "Hazırda gündəmdə olan məsələ yüklərin, habelə sərnişinlərin keçid şərtlərini daha da sadələşdirməkdən ibarətdir. Sərhəd keçid məntəqələrinin fəaliyyətini genişləndirmək üçün digər ölkələrlə də danışıqlar aparılır", - deyə Ş.Bağırov qeyd edib.
