\"Xalqlar Dostluğu\" yarmarkasının icarədarları yol bağlayacaq
Bakının Nizami rayonunda yerləşən "Xalqlar Dostluğu" yarmarkasının icarədarları etiraz aksiyasına hazırlaşır.
Ölkə.az-a yarmarkada mağaza icarəyə götürmüş sahibkarlardan daxil olmuş məlumata görə, onlar yüksək icarə haqqını ödəyə bilmədikləri üçün bu addımı atmağa hazırlaşırlar.
Sahibkarların sözlərinə görə, onlar icarə haqlarının aşağı salınması üçün dəfələrlə yarmarka rəhbərliyinə müraciət etsələr də, onların dərdinə əlac edən tapılmayıb və rəhbərlik onlara "gedin nə bilirsiniz edin, icarə haqları aşağı salınmayacaq, yer pulunu vaxtında verməyənin isə mağazası boşaldılacaq", - deyə hədə gəlib.
Sahibkarların isə redaksiyamıza bildiriblər ki, səsləri eşidilsin deyə onlar bu gün Qara Qarayev prospektini bağlamaq fikrindədirlər.
