Rus şair separatçıdan baş prokurora şikayət etdi
Rusiyada yaşayan şair, publisist, Azərbaycanın yaxın dostu Aleksandr Fomenkov Rusiyanın baş prokuroruna məktub ünvanlayıb.
Ölkə.az xəbər verir ki, rus şairin narahatlığına səbəb Rusiyada yuva salmış, erməni kəşfiyyatına işləyən bəzi separatçıların Azərbaycan əleyhinə son günlər apardıqları təxribatdır.
Aleksandr Fomenkovun baş prokuror Yuri Çaykaya ünvanlanmış məktubunda belə deyilir:
Rusiya Federasiyasının baş prokuroru Yuri Yakovleviç Çaykaya
Hörmətli cənab baş prokuror!
Deyin görək hansısa Rusiya vətəndaşına xarici bir ölkənin əhalisinə separatçı çağırışlar etməyə kim icazə verib?
Sizdən xahiş edirəm ki, mənim "Facebook" səhifəmdəki materialla və «Кавказская политика» saytındakı bloqumla tanış olasınız. Orada mən Rusiya vətəndaşı İsmayıl Şabanovun ekstremist əməllərindən yazmışam.
Rusiya vətəndaşı İsmayıl Şabanovun çıxışları Rusiya əleyhinə yönəlməsə belə, başqa qonşu bir dövlətə qarşı yönəldiyindən cinayət tərkiblidir.
Sizin obyektivliyinizə əminəm ki, həmin şəxs haqqında ölçü götürüləcək.
Aleksandr Fomenkov
Xatırladırıq ki, adı çəkilən şəxs Azərbaycanda yaşayan talışlara müraciət edərək onları Azərbaycan əleyhinə üsyana çağırmışdı.
