Nazirliyin daha bir vəzifəli şəxsi işdən çıxarıldı
Rabitə və Yüksək Texnologiyalar Nazirliyinin tabeliyindəki Məlumat Hesablama Mərkəzinin(MHM) Dövlət reyestri şöbəsinin müdiri İlqar Abdullayev vəzifəsindən azad edilib.
Ölkə.Az xəbər verir ki, Xeberler.az-ın məlumatına görə, İlqar Abdullayev MHM-ə yeni təyin edilmiş direktor Elnar Əsədovun əmri ilə işdən çıxarılıb.
Xatırladaq ki, müddət əvvəl MHM-in əvvəlki direktoru Nail Mərdənov da vəzifəsindən azad edilib və onun yerinə Elnar Əsədov MHM-in direktoru vəzifəsinə təyin edilib.
Qeyd edək ki, İlqar Abdullayev 17 ildir ki, MHM-də çalışırdı. O, 10 il MHM-də hazırda işlədiyi şöbənin rəhbəri vəzifəsində olub.
Onun rəhbərlik etdiyi şöbə əsasən elektron hökumət quruculuğunun müxtəlif sahələri ilə, elektron xidmətlərin və dövlət resurslarının reyestrlərinin formalaşdırılması məsələləri ilə məşğul olub.
İlqar Abdullayevin vəzifəsindən azad olunmasının səbəbləri haqqında hər hansı məlumat açıqlanmayıb.
